ຂັ້ນຕອນ ແລະ ມາດຕະຖານການເປັນທະນາຍຄວາມ
ບຸກຄົນ ທີ່ຈະເປັນທະນາຍຄວາມ ຕ້ອງມີ ມາດຕະຖານ ແລະ ເງື່ອນໄຂ ຄົບຖ້ວນ ດັ່ງນີ້:
ຄົນຕ່າງດ້າວ ແລະ ຄົນຕ່າງປະເທດ ທີ່ມີຈຸດປະສົງສະໝັກເຂົ້າເປັນທະນາຍຄວາມ ຢູ່ ສປປ ລາວ ນອກຈາກມີມາດຕະຖານ ແລະ ເງື່ອນໄຂ ຕາມທີ່ໄດ້ກຳນົດໄວ້ໃນມາດຕາ 9 ແຕ່ ຂໍ້ 2 ຫາ ຂໍ້ 10 ຂອງກົດໝາຍວ່າດ້ວຍທະນາຍຄວາມ ຍັງຕ້ອງມີມາດຕະຖານ ແລະ ເງື່ອນໄຂ ດັ່ງນີ້:
ບຸກຄົນທີ່ຈະເປັນທະນາຍຄວາມ ຕ້ອງໄດ້ຮັບການກໍ່ສ້າງວິຊາຊີບ ຫຼື ທະນາຍຄວາມ ຈາກສະຖາບັນຍຸຕິທຳແຫ່ງຊາດ ຕາມຫຼັກ ສູດທີ່ກະຊວງຍຸຕິທຳ ວາງອອກ.
ບຸກຄົນ ທີ່ໄດ້ຮັບການຍົກເວັ້ນການກໍ່ສ້າງວິຊາຊີບ ມີ ດັ່ງນີ້:
ບຸກຄົນທີ່ສໍາເລັດການກໍ່ສ້າງວິຊາຊີບຈາກສະຖາບັນຍຸຕິທໍາແຫ່ງຊາດຕ້ອງໄດ້ຜ່ານການຝຶກງານວິຊາຊີບທະນາຍຄວາມ ຢ່າງໜ້ອຍ ຫົກເດືອນ.
ສະພາທະນາຍຄວາມ ເປັນຜູ້ອອກໃບຢັ້ງຢືນໃຫ້ຜູ້ສໍາເລັດການຝຶກງານວິຊາຊີບທະນາຍຄວາມ.
ສໍາລັບການຝຶກງານວິຊາຊີບທະນາຍຄວາມ ໄດ້ກໍານົດໄວ້ໃນລະບຽບການພາຍໃນຂອງສະພາທະນາຍຄວາມ.
ບຸກຄົນ ທີ່ໄດ້ກໍານົດໄວ້ໃນມາດຕາ 12 ຂໍ້ 1, 2 ແລະ 3 ຂອງກົດໝາຍວ່າດ້ວຍທະນາຍຄວາມ ໄດ້ຮັບການຍົກເວັ້ນການຝຶກງານວິຊາຊີບທະນາຍຄວາມ.
ສ່ວນບຸກຄົນ ທີ່ໄດ້ກໍານົດໄວ້ໃນມາດຕາ 12 ຂໍ້ 4 ຂອງກົດໝາຍວ່າດ້ວຍທະນາຍຄວາມ ໄດ້ຮັບການຫຼຸດຜ່ອນການຝຶກງານວິຊາຊີບທະນາຍຄວາມ ຈາກ ຫົກເດືອນ ມາເປັນ ສາມເດືອນ.
ບຸກຄົນທີ່ຈະເປັນທະນາຍຄວາມ ຕ້ອງໄດ້ຜ່ານການສອບເສັງ ຍົກເວັ້ນບຸກຄົນຕາມທີ່ ກຳນົດໄວ້ໃນມາດຕາ 12 ຂອງກົດໝາຍວ່າດ້ວຍທະນາຍຄວາມ.
ການສອບເສັງເປັນທະນາຍຄວາມ ໄດ້ກຳນົດໄວ້ໃນລະບຽບການຕ່າງຫາກ.
ບຸກຄົນທີ່ຈະເປັນທະນາຍຄວາມ ຕ້ອງໄດ້ຮັບການແຕ່ງຕັ້ງຈາກກະຊວງຍຸຕິທຳ ພາຍໃນກຳນົດເວລາ ສາມສິບວັນ ນັບແຕ່ວັນສະພາທະນາຍຄວາມໄດ້ສະເໜີ ເປັນຕົ້ນໄປ.
ຫຼັງຈາກໄດ້ຮັບການແຕ່ງຕັ້ງເປັນທະນາຍຄວາມແລ້ວ ຕ້ອງຂຶ້ນທະບຽນເປັນສະມາຊິກນຳສະພາທະນາຍຄວາມ ເພື່ອຮັບບັດທະນາຍຄວາມ ພ້ອມທັງເສຍຄ່າບຳລຸງເປັນສະມາຊິກຕາມກົດລະບຽບພາຍໃນຂອງສະພາທະນາຍຄວາມ.