ໃນວັນທີ 27 ກຸມພາ 2025, ທ່ານ ນີວັນ ສົມແສງດີ ຮອງປະທານສະພາທະນາຍຄວາມລາວ ພ້ອມດ້ວຍຄະນະໄດ້ຕ້ອນຮັບ ທ່ານ Dragomir Yordanov, ຊ່ຽວຊານທາງດ້ານການວຽກງານຝຶກອົບຮົມວິຊາຊີບຍຸຕິທຳ ປະຈໍາສະຖາບັນປະຕິບັດກົດໝາຍເອີຣົບ ພ້ອມຄະນະປະຈຳໂຄງການ Justice ໄດ້ເດີນທາງມາຢ້ຽມຢາມ ແລະ ຮ່ວມເຮັດວຽກກັບສະພາທະນາຍຄວາມລາວ. ຈຸດປະສົງຂອງການຢ້ຽມຢາມ ແລະ ພົບປະຄັ້ງນີ້ກໍເພື່ອປຶກສາຫາລືເບື້ອງຕົ້ນ ກ່ຽວກັບການປັບປຸງ ແລະ ການພັດທະນາຫຼັກສູດຝຶກອົບຮົມວິຊາຊີບຍຸຕິທໍາຂອງສະຖາບັນຍຸຕິທຳແຫ່ງຊາດທີ່ມີສ່ວນຮ່ວມຂອງຄູຝຶກຈາກສະພາທະນາຍຄວາມລາວ ລວມທັງ ປັບປຸງການປະສານງານ ແລະ ຮ່ວມມືລະຫວ່າງສອງອົງກອນ ເພື່ອພັດທະນາຫຼັກສູດຝຶກອົບຮົມວິຊາຊີບຍຸຕິທຳ ແລະ ຄູຝຶກ ໃຫ້ມີປະສິດທິພາບສູງຂຶ້ນກວ່າເກົ່າ.