ໃນວັນທີ 21 ກຸມພາ 2025, ທ່ານ ບຸນຍະສິດ ດາວປະສິດ ຄະນະປະຈຳ, ຫົວໜ້າສູນຝຶກອົບຮົມ ສະພາທະນາຍຄວາມລາວ ພ້ອມຄະນະ ແລະ ຄູຝຶກ ໄດ້ປະຊຸມແລກປ່ຽນບົດຮຽນກັບທ່ານ Gilles Accomando, ປະທານໂຮງຮຽນທະນາຍຄວາມປາຣີ ແລະ ທ່ານ ນາງ Barbara Clauss, ຫົວໜ້າພະແນກຮ່ວມມືສາກົນ ໂຮງຮຽນທະນາຍຄວາມປາຣີ ພ້ອມຄະນະປະຈຳໂຄງການ Justice ທີ່ເດີນທາງມາເຮັດວຽກກ່ຽວກັບໂຄງການສ້າງຄວາມເຂັ້ມແຂງໃຫ້ສະຖາບັນຍຸຕິທຳແຫ່ງຊາດ ແລະ ສູນຝຶກອົບຮົມສະພາທະນາຍຄວາມລາວ. ກອງປະຊຸມໄດ້ມີການແລກປ່ຽນບົດຮຽນການຝຶກອົບຮົມຂອງສະພາທະນາຍຄວາມລາວ ແລະ ລະບົບການຝຶກອົບຮົມ-ການສອບເສັງຂອງທະນາຍຄວາມຢູ່ ປະເທດ ຟຣັ່ງ ໂດຍສະເພາະຂອງໂຮງຮຽນທະນາຍຄວາມປາຣີ.