ທ່ານ ນາງ ລຳເງິນ ຄັດສະຫວ່າງ ຮອງປະທານ ແລະ ທ່ານ ບຸນຍະສິດ ດາວປະສິດ ຄະນະປະຈຳ ສະພາທະນາຍຄວາມລາວ ໄດ້ຕ້ອນຮັບທ່ານ YAMAGUCHI Tomohiro, ທີ່ປຶກສາສະເພາະ, ທີມງານກົດໝາຍ ແລະ ຄວາມຍຸຕິທໍາ, ພະແນກ ການບໍລິຫານ ແລະ ການສ້າງສັນຕິພາບ ຈາກອົງການ JICA ແລະ ທ່ານ Katsunori Iri ທະນາຍຄວາມ ຍິປຸ່ນ ທີ່ເຂົ້າມາຢ້ຽມຢາມ ສຳນັກງານຂອງສະພາທະນາຍຄວາມລາວ. ໃນການພົບປະ, ທ່ານ YAMAGUCHI Tomohiro ໄດ້ສອບຖາມຂໍ້ມູນກ່ຽວກັບວຽກງານຊ່ວຍເຫຼືອດ້ານກົດໝາຍຂອງສະພາທະນາຍຄວາມລາວ ທີ່ຜ່ານມາ, ກິດຈະກຳທີ່ກຳລັງດຳເນີນຢູ່ ແລະ ແຜນການໃນຕໍ່ໜ້າ. ນອກຈາກນີ້, ທ່ານ YAMAGUCHI Tomohiro ໄດ້ສະເໜີແຜນການສົ່ງອາສາສະໝັກທີ່ເປັນນັກສຶກສາກົດໝາຍຈາກປະເທດ ຍິປຸ່ນ ມາປະຈຳຫ້ອງການຊ່ວຍເຫຼືອດ້ານກົດໝາຍ ຂອງຂະແໜງການຍຸຕິທຳ ແລະ ຂອງສະພາທະນາຍຄວາມລາວ.