ວັນທີ 27 ຫາ 28 ກໍລະກົດ 2024, ສະພາທະນາຍຄວາມລາວ ຮ່ວມກັບ ອົງການແບັບຊິໂຄ ໄດ້ຈັດຝຶກອົບຮົມການເປັນຄູຝຶກກ່ຽວກັບວຽກງານໂພຣ ໂບໂນ ໃຫ້ແກ່ສະມາຊິກຄູຝຶກວຽການໂພຣ ໂບໂນ ແລະ ທະນາຍຄວາມໃນນະຄອນຫຼວງວຽງຈັນ ໂດຍຈັດຂຶ້ນທີ່ ສູນຝຶກອົບຮົມສະຫະພັນແມ່ຍິງລາວ ນະຄອນຫຼວງວຽງຈັນ, ຈຸດປະສົງເພື່ອໃຫ້ຜູ້ເຂົ້າຮ່ວມໄດ້ຮັບຮູ້ ແລະ ນໍາໃຊ້ວິທີການສອນແບບມີສ່ວນຮ່ວມໃນການຖ່າຍທອດ ແລະ ສົ່ງຕໍ່ຄວາມຮູ້ກ່ຽວກັບວຽກງານໂພຣ ໂບໂນໃຫ້ທະນາຍຄວາມທ່ານອື່ນ ພ້ອມດ້ວຍຍົກລະດັບຄວາມຮູ້ຄວາມເຂົ້າໃຈກ່ຽວກັບວຽກງານໂພຣ ໂບໂນ ແລະ ການຊ່ວຍເຫຼືອທາງດ້ານກົດໝາຍ. ນອກຈາກນີ້, ຍັງໄດ້ມີການທົດລອງຕອບແບບຟອມລາຍງານຊົ່ວໂມງເຮັດວຽກໂພຣ ໂບໂນ. ໂດຍມີທະນາຍຄວາມທັງໝົດເຂົ້າຮ່ວມ 36 ທ່ານ, ຍິງ 11 ທ່ານ. ກິດຈະກໍາດັ່ງກ່າວ ຢູ່ພາຍໃຕ້ແຜນງານຂອງໂຄງການທະນາຍຄວາມລະຫວ່າງສະພາທະນາຍຄວາມ ແລະ ອົງການແບັບຊິໂຄ ທີ່ໄດ້ຮັບການສະໜັບສະໜູນທຶນຈາກ ສໍານັກງານຕ້ານຢາເສບຕິດ ແລະ ການບັງຄັບໃຊ້ກົດໝາຍລະຫວ່າງປະເທດ ໂດຍຜ່ານ ອົງການສະຫະປະຊາຊາດເພື່ອການພັດທະນາ.