ໃນວັນທີ 11 ມີຖຸນາ 2024, ສະພາທະນາຍຄວາມລາວ ໄດ້ຈັດກອງປະຊຸມເພື່ອຮັບຟັງ ແລະ ຮັບຮອງແຜນງານ ແລະ ແຜນດຳເນີນງານກ່ຽວກັບການສົ່ງເສີມບົດບາດຍິງຊາຍພາຍໃນ ສະພາທະນາຍຄວາມລາວ ທີ່ນຳສະເໜີໂດຍຜູ້ຊ່ຽວຊານ. ກອງປະຊຸມຄັ້ງນີ້, ໄດ້ເຊີນບັນດາອົງການຈັດຕັ້ງສາກົນ ໃນ ສປປ ລາວ ແລະ ຜູ້ແທນຈາກກົມຮ່ວມມືສາກົນ ແລະ ສະຫະພັນແມ່ຍິງຂອງ ກະຊວງຍຸຕິທຳ ເພື່ອຮັບຟັງການເຜີຍແຜ່ແຜນງານດັ່ງກ່າວ.

ແຜນງານສົ່ງເສີມບົດບາດຍິງຊາຍ ແມ່ນໜຶ່ງໃນແຜນຍຸດທະສາດຂອງສະພາທະນາຍຄວາມລາວ ທີ່ສ້າງຂຶ້ນເພື່ອສົ່ງເສີມການມີສ່ວນຮ່ວມຂອງທະນາຍຄວາມເພດຍິງເຂົ້າໃນວຽກງານບໍລິຫານຂອງສະພາທະນາຍຄວາມລາວ ແລະ ສົ່ງເສີມນັກສຶກສາກົດໝາຍເພດຍິງປະກອບວິຊາຊີບເປັນທະນາຍຄວາມ.