ໃນວັນທີ 13 ມີນາ 2025, ທ່ານ ວໍລັດສະໝີ ສຸລິປະພັນ ປະທານສະພາທະນາຍຄວາມລາວ ພ້ອມດ້ວຍຄະນະ ໄດ້ຕ້ອນຮັບການມາຢ້ຽມຢາມ ທ່ານ ນາງ ເຈສຊິກ້າ ໂຣນ, ຫົວໜ້າແຜນງານ ມູນນິທິແມັກຄອນນອລ, ທ່ານ ນາງ ລິລ່ຽນ ແດງ, ຫົວໜ້າແຜນງານຊ່ວຍເຫຼືອທາງດ້ານກົດໝາຍ ມູນນິທິເອເຊຍ ພ້ອມດ້ວຍຄະນະ ຈຸດປະສົງໃນການຢ້ຽມຢາມຄັ້ງນີ້ແມ່ນເພື່ອທົບທວນຄືນວຽກງານທີ່ມູນນິທິແມັກຄອນນອລໄດ້ໃຫ້ການສະໜັບສະໜູນການຈັດຕັ້ງປະຕິບັດກິດຈະກໍາແກ່ສະພາທະນາຍຄວາມລາວໃນໄລຍະຜ່ານມາ ໂດຍສະເພາະແມ່ນການສະໜອງງົບປະມານບໍລິຫານຫ້ອງການ, ອຸປະກອນໃນການຮັບໃຊ້ວຽກງານ ສຳລັບຫ້ອງການຊ່ວຍເຫຼືອທາງດ້ານກົດໝາຍ ປະຈໍາແຂວງ, ນະຄອນຫຼວງວຽງຈັນ, ໜ່ວຍສະພາທະນາຍຄວາມໃນນະຄອນຫຼວງວຽງຈັນ ແລະ ການຝຶກອົບຮົມວຽກງານຊ່ວຍເຫຼືອທາງດ້ານກົດໝາຍໃຫ້ແກ່ທະນາຍຄວາມ ລວມທັງວຽກງານຮ່ວມມືກັນໃນຕໍ່ໜ້າ.