ໃນວັນທີ 04 ມັງກອນ 2025, ສູນຝຶກອົບຮົມສະພາທະນາຍຄວາມ ໄດ້ຈັດຝຶກອົບຮົມໃຫ້ແກ່ ທະນາຍຄວາມຝຶກຫັດ ຊຸດທີ 21 ແລະ ທະນາຍຄວາມຝຶກຫັດ ຊຸດທີ 22. ທະນາຍຄວາມຝຶກຫັດ ຊຸດທີ 22 ຝຶກອົບຮົມໃນຫົວຂໍ້: ການໃຫ້ຄໍາປຶກສາທາງດ້ານກົດໝາຍ (ລົງເລິກດ້ານທຸລະກິດ ແລະ ການຮ່າງສັນຍາ), ບັນລະຍາຍໂດຍ: ທ່ານ ສີຫວັດ ແສງດວງຈັນ, ທ່ານ ນ.ໃສທອງ ລັດຕະນະ. ທະນາຍຄວາມຝຶກຫັດ ຊຸດທີ 21 ແມ່ນໄດ້ສະແດງສານຈໍາລອງໃນຄະດີແພ່ງ ພາຍໃຕ້ການການແນະນໍາຂອງຄູຝຶກ: ທ່ານ ຄໍາແກ້ວ ສີຫາບຸດ, ທ່ານ ວິລະໄຊ ຊົງວິໄລ, ທ່ານ ໝອນໄຊ ພິນປະຈັນ. ການຝຶກອົບຮົມເປັນໜຶ່ງໃນເງື່ອນໄຂສໍາລັບການເປັນທະນາຍຄວາມ, ການຝຶກອົບຮົມດັ່ງກ່າວມີ ຄະນະປະຈໍາ ແລະ ຄະນະຝຶກອົບຮົມ ສະພາທະນາຍຄວາມ ເຂົ້າຮ່ວມຕິດຕາມ.