ໃນວັນທີ 26-27 ພະຈິກ 2024, ທີ່ ແຂວຫຼວງພະບາງ, ສະພາທະນາຍຄວາມລາວ ໄດ້ຈັດກອງປະຊຸມ ເຜີຍແຜ່ ແຜນຍຸດທະສາດ, ກົດລະບຽບພາຍໃນສະພາທະນາຍຄວາມ, ແຜນດຳເນີນງານບົດບາດຍິງ-ຊາຍ, ມາດຕະຖານການດຳເນີນງານ ແລະ ການແລກປ່ຽນບົດຮຽນຂອງຄູຝຶກ ພັດທະນາວິຊາຊີບຕໍ່ເນື່ອງ (CPD). ໂດຍການເປັນປະທານຮ່ວມຂອງ ທ່ານ ວໍລັດສະໝີ ສຸລິປະພັນ ປະທານສະພາທະນາຍຄວາມລາວ ແລະ ທ່ານ ນາງ ສົມມະນີ ສີຫາເທບ ຜູ້ຮັບຜິດຊອບແຜນງານ ການຄຸ້ມຄອງລັດດ້ວຍກົດໝາຍ ແລະ ການເຂົ້າເຖິງຄວາມຍຸຕິທຳ, ອົງການສາຫະປະຊາຊາດ. ມີຜູ້ຕ່າງໜ້າຈາກຫ້ອງການສະພາທະນາຍຄວາມປະຈໍາແຂວງ (6 ແຂວງ ພາກເໜືອ). ຈຸດປະສົງຂອງກອງປະຊຸມກໍແມ່ນເພື່ອເຜີຍແຜ່ນິຕິກໍາຕ່າງໆທີ່ສໍາຄັນຂອງສະພາທະນາຍຄວາມ, ນຳສະເໜີແຜນການຈັດຕັ້ງປະຕິບັດມາດຕະຖານດຳເນີນງານ (sop), ນຳສະເໜີ ແຜນດຳເນີນງານບົດບາດຍິງ-ຊາຍ ໃນວິຊາຊີບທະນາຍຄວາມ, ຖອດຖອນບົດຮຽນທີ່ໄດ້ຈາກການໄປທັດສະນະສຶກສາ ຢຸ່ປະເທດໄທ ແລະ ສ.ເກົາຫຼີ ຂອງຄູຝຶກ CPD ແລະ ໄດ້ປຶກສາຫາລືກ່ຽວກັບຄວາມຕ້ອງການຂອງທະນາຍຄວາມໃນການພັດທະນາວິຊາຊີບຕໍ່ເນື່ອງ.