ໃນວັນທີ 17-18 ທັນວາ 2024, ທີ່ ແຂວງຄຳມ່ວນ, ສະພາທະນາຍຄວາມລາວ ໄດ້ຈັດກອງປະຊຸມເຜີຍແຜ່ ແຜນຍຸດທະສາດ, ກົດລະບຽບພາຍໃນສະພາທະນາຍຄວາມ, ແຜນດຳເນີນງານບົດບາດຍິງ-ຊາຍ, ມາດຕະຖານການດຳເນີນງານ ແລະ ການແລກປ່ຽນບົດຮຽນຂອງຄູຝຶກ ພັດທະນາວິຊາຊີບຕໍ່ເນື່ອງ (CPD). ໂດຍການເປັນປະທານຂອງ ທ່ານ ວໍລັດສະໝີ ສຸລິປະພັນ ປະທານສະພາທະນາຍຄວາມລາວ. ມີຜູ້ເຂົ້າຈາກ ກະຊວງຍຸຕິທຳ, ຫ້ອງການສະພາທະນາຍຄວາມປະຈໍາແຂວງ (6 ແຂວງ ພາກໃຕ້), ອົງການສາຫະປະຊາຊາດ. ຈຸດປະສົງຂອງກອງປະຊຸມກໍແມ່ນເພື່ອເຜີຍແຜ່ນິຕິກໍາຕ່າງໆທີ່ສໍາຄັນຂອງສະພາທະນາຍຄວາມ, ນຳສະເໜີແຜນການຈັດຕັ້ງປະຕິບັດມາດຕະຖານດຳເນີນງານ (sop), ນຳສະເໜີ ແຜນດຳເນີນງານບົດບາດຍິງ-ຊາຍ ໃນວິຊາຊີບທະນາຍຄວາມ, ຖອດຖອນບົດຮຽນທີ່ໄດ້ຈາກການໄປທັດສະນະສຶກສາ ຢຸ່ປະເທດໄທ ແລະ ສ.ເກົາຫຼີ ຂອງຄູຝຶກ CPD ແລະ ໄດ້ປຶກສາຫາລືກ່ຽວກັບຄວາມຕ້ອງການຂອງທະນາຍຄວາມໃນການພັດທະນາວິຊາຊີບຕໍ່ເນື່ອງ.