ໃນວັນທີ 5 ຫາ 7 ມີຖຸນາ 2024, ສະພາທະນາຍຄວາມລາວ ແລະ ສະຖາບັນຍຸຕິທຳແຫ່ງຊາດ ໄດ້ປະຊຸມຮ່ວມກັນໃນການສ້າງຫຼັກສູດການຝຶກອົບຮົມວິຊາຊີບທະນາຍຄວາມໄລຍະສັ້ນສຳລັບຜູ້ທີ່ສະມັກເປັນທະນາຍຄວາມ ທີ່ມີປະສົບການດ້ານວຽກງານກົດໝາຍມາກ່ອນ. ກອງປະຊຸມດຳເນີນເປັນເວລາ 3 ວັນ, ຢູ່ໂຮງແຮມ ນາປາກວາງ, ເມືອງ ແກ້ວອຸດົມ, ແຂວງວຽງຈັນ.

ກອງປະຊຸມຄັ້ງນີ້ ແມ່ນການນຳສະເໜີຄວາມຕ້ອງການຂອງການສ້າງຫຼັກສູດໄລຍະສັ້ນທີ່ນຳສະເໜີໂດຍສະພາທະນາຍຄວາມລາວ, ການຄົ້ນຄວົ້າຫຼັກສູດ, ວິຊາຮຽນ, ໜ່ວຍກິດ, ສາລະບານຂອງແຕ່ລະວິຊາທີ່ຈະນຳໄປສິດສອນ ແລະ ກຳນົດເນື້ອໃນຂອງແຕ່ລະວິຊາ.

ການປະຊຸມຄັ້ງນີ້ ມີຜູ້ແທນເຂົ້າຮ່ວມຈາກ ຄະນະບໍລິຫານງານ, ຄະນະຄູຝຶກ, ຄະນະທີ່ປຶກສາ ສະພາທະນາຍຄວາມລາວ ແລະ ສະຖາບັນຍຸຕິທຳແຫ່ງຊາດ, ກົມສົ່ງເສີມ ແລະ ຄຸ້ມຄອງວຽກງານຍຸຕິທຳ, ກະຊວງຍຸຕິທຳ.