ໃນຕອນບ່າຍຂອງວັນທີ 27 ພຶດສະພາ 2024 ທ່ານ ວໍລັດສະໝີ ສຸລິປະພັນ ປະທານສະພາທະນາຍຄວາມລາວ ພ້ອມດ້ວຍຄະນະ ໄດ້ເຂົ້າອວຍພອນ ທ່ານ ນາງ ສູນໄຖ ໄຊຍະແສງ ຮອງປະທານສະພາປະຊາຊົນແຂວງສາລະວັນ ແລະ ທ່ານ ອຳຄາ ຄ່ຽມມະນີຂັນໄຊ ຫົວໜ້າພະແນກຍຸຕິທຳແຂວງສາລະວັນ. ໃນໂອກາດດັ່ງກ່າວ ທ່ານ ວໍລັດສະໝີ ສຸລິປະພັນ ໄດ້ລາຍງານໂດຍຫຍໍ້ກ່ຽວກັບວຽກງານຂອງສະພາທະນາຍຄວາມລາວ ໂດຍສະເພາະແມ່ນການເຄື່ອນໄຫວວຽກງານຂອງຫ້ອງການສະພາທະນາຍຄວາມປະຈຳແຂວງສາລະວັນ.
