ໃນວັນທີ 11 ມິຖຸນາ 2024, ທ່ານ ນາງ ລຳເງິນ ຄັດສະຫວ່າງ ຮອງປະທານສະພາທະນາຍຄວາມລາວ, ໃນນາມຕາງໜ້າຄະນະບໍລິຫານງານ ເຂົ້າຮ່ວມກອງປະຊຸມປຶກສາຫາລືກະກຽມປິດໂຄງການສົ່ງເສີມການເຂົ້າເຖິງກົດໝາຍ ແລະ ຄວາມຍຸຕິທໍາຂອງປະຊາຊົນ ໃນ ສປປ ລາວ ແລະ ກະກຽມບົດບັນທຶກຄວາມເຂົ້າໃຈ ສະບັບໃໝ່ ສໍາລັບໂຄງການໄລຍະທີ II ສະໜັບສະໜູນໂດຍມູນນິທິເອເຊຍ ປະຈໍາ ສປປ ລາວ. ໃນໂຄງການດັ່ງກ່າວ, ສະພາທະນາຍຄວາມລາວ ໄດ້ມີບົດບາດປະກອບສ່ວນໃນການຈັດຕັ້ງບາງກິດຈະກຳຂອງໂຄງການ ໂດຍສະເພາະແມ່ນກິດຈະກຳການຊ່ວຍເຫຼືອດ້ານກົດໝາຍ. ກອງປະຊຸມແມ່ນພາຍໃຕ້ການເປັນປະທານຂອງ ທ່ານ ຄໍາພອນ ສີປະເສີດ ຫົວໜ້າກົມຮ່ວມມືສາກົນ, ກະຊວງຍຸຕິທໍາ.