ໃນວັນທີ 4 ມີຖຸນາ 2024, ຄະນະບໍລິຫານງານ ແລະ ຄະນະກວດກາ ສະພາທະນາຍຄວາມລາວ ໄດ້ຕ້ອນຮັບທ່ານ ແອນດຣິວ ໂຊໂລມອນ ຊ່ຽວຊານດ້ານການສ້າງລັດທີ່ປົກຄອງດ້ວຍກົດໝາຍຂອງອົງການພັດທະນາສາກົນ ປະເທດສະຫະລັດ ອາເມລິກາ (Rule of Law, USAID) ຫ້ອງການໃຫຍ່, ແລະ ຄະນະຈາກອົງການ USAID ປະຈຳ ສປປ ລາວ. ອົງການ USAID ແມ່ນອົງການທີ່ໃຫ້ການສະໜັບສະໜູນທຶນແກ່ສະພາທະນາຍຄວາມລາວໃນການຈັດຕັ້ງກິດຈະກຳກ່ຽວກັບວຽກງານການໃຫ້ການຊ່ວຍເຫຼືອດ້ານກົດໝາຍໂດຍບໍ່ເສຍຄ່າ ແລະ ວຽກງານການຊ່ວຍເຫຼືອດ້ວຍຄວາມສະໝັກໃຈ ໂດຍທີ່ການສະໜັບສະໜູນທຶນໃຫ້ສະພາທະນາຍຄວາມລາວ ໃນການຈັດຕັ້ງປະຕິບັດກິດຈະກຳດັ່ງກ່າວແມ່ນຜ່ານການບໍລິຫານຄຸ້ມຄອງຂອງ ມູນນິທິເອເຊຍ ປະຈຳ ສປປ ລາວ.

ນອກຈາກນັ້ນ, ຄະນະຂອງອົງການ USAID ໄດ້ປຶກສາຫາລືການຊ່ວຍເຫຼືອສະພາທະນາຍຄວາມລາວໃນຕໍ່ໜ້າ ກ່ຽວກັບການສ້າງຄວາມເຂັ້ມແຂງໃຫ້ສະພາທະນາຍຄວາມລາວ, ການໃຫ້ຄວາມຮູ້ ແລະ ຍົກລະດັບທັກສະຂອງທະນາຍຄວາມໃນຂະແໜງເສດຖະກິດ-ການຄ້າ.

ນອກຈາກນັ້ນ, ຄະນະຂອງອົງການ USAID ໄດ້ປຶກສາຫາລືການຊ່ວຍເຫຼືອສະພາທະນາຍຄວາມລາວໃນຕໍ່ໜ້າ ກ່ຽວກັບການສ້າງຄວາມເຂັ້ມແຂງໃຫ້ສະພາທະນາຍຄວາມລາວ, ການໃຫ້ຄວາມຮູ້ ແລະ ຍົກລະດັບທັກສະຂອງທະນາຍຄວາມໃນຂະແໜງເສດຖະກິດ-ການຄ້າ.