ໃນໄລຍະການເດີນທາງມາຮ່ວມກອງປະຊຸມຂອງສະພາທະນາຍຄວາມສາກົນ ລະຫວ່າງວັນທີ 3 - 8 ເມສາ 2024 ທີ່ຈັດຂຶ້ນຢູ່ ປະເທດ ຍີ່ປຸ່ນ, ໃນວັນທີ 5 ເມສາ 2024, ຄະນະບໍລິຫານງານ ແລະ ຄະນະກວດກາສະພາທະນາຍຄວາມລາວ ໄດ້ມີໂອກາດພົບປະທ່ານນາງ Reiko FUCHIGAMI ປະທານສະຫະພັນສະພາທະນາຍຄວາມຍິປຸ່ນ, ທ່ານ Shinji KUSAKABE ຮອງປະທານ, ພ້ອມທັງຄະນະພົວພັນການຕ່າງປະເທດ. ຈຸດປະສົງຂອງການພົບປະ ແມ່ນເພື່ອແລກປ່ຽນບົດຮຽນກ່ຽວກັບວຽກງານການບໍລິຫານຄຸ້ມຄອງສະມາຊິກ, ການຝຶກອົບຮົມຕໍ່ເນື່ອງ ແລະ ວຽກງານການກວດກາ ແລະ ການລົງວິໄນ.

ຫລັງຈາກການພົບຄະນະນຳຂອງສະຫະພັນສະພາທະນາຍຄວາມຍິປຸ່ນ, ທ່ານ Yoshimichi MAKIYAMA ຫົວໜ້າພະແນກ ພົວພັນການຕ່າງປະເທດ, ທ່ານນາງ Chihiro Endo ແລະ ທ່ານ Keiji FUKUDA ຄະນະພົວພັນຕ່າງປະເທດ ໄດ້ນຳສະເໜີວຽກງານການບໍລິຫານຄຸ້ມຄອງສະມາຊິກ, ການຝຶກອົບຮົມຕໍ່ເນື່ອງ ແລະ ວຽກງານການກວດກາ ແລະ ການລົງວິໄນຂອງສະຫະພັນສະພາທະນາຍຄວາມຍິປຸ່ນ ໃຫ້ຄະນະຈາກສະພາທະນາຍຄວາມລາວ.