ໃນລະຫວ່າງວັນທີ 28-29 ມີນາ 2024, ສະພາທະນາຍຄວາມ ໄດ້ເປີດກອງປະຊຸມສະຫລຸບວຽກງານ ປະຈຳປີ 2023 ທີ່ ຫ້ອງປະຊຸມຂອງສູນຝຶກອົບຮົມ ແລະ ຮ່ວມມືສາກົນ ລາວ-ຍີ່ປຸ່ນ.

ຈຸດປະສົງຂອງປະຊຸມ ເພື່ອລາຍງານການເຄື່ອນໄຫວວຽກງານຂອງຄະນະບໍລິຫານງານ ແລະ ຄະນະກວດກາ ສະພາທະນາຍຄວາມ ໃຫ້ແກ່ສະມາຊິກ ສະພາທະນາຍຄວາມ, ລວມທັງຜ່ານແຜນການ ປະຈຳປີ 2024. ພ້ອມນີ້ ກອງປະຊຸມ ຍັງໄດ້ຜ່ານຮ່າງປັບປຸງກົດລະບຽບພາຍໃນຂອງສະພາທະນາຍຄວາມ ເພື່ອໃຫ້ສອດຄ່ອງກັບກົດໝາຍວ່າດ້ວຍທະນາຍຄວາມລາວ.